Pokey Light by July

0
536
blank

موسيقي ال ار ان بي معروفة بأنها أكثر الأنماط جاذبية من محبي ومستمعي الموسيقي، وده في الاغلب انها مش بتعتمد على نمط ثابت زي الراب مثلا أو إيقاعات صاخبة زي في بعض الأنواع من الروك. وفي اعتقادي انها لازالت تتربع عرش الاهتمام العالمي على عكس أنماط تانيه زي موسيقي الميتال او الجاز مثلا. 

اغنية “أضواء Pokey” هي أحدث أغنية للمغني الإنجليزي الصاعد جولاي، واللي تم إصدارها الشهر الماضي كفيديو كليب على اليوتيوب. الفيديو والموسيقى مميزين جدا وعجبني ازاي الاتنين بيكملو بعض عن طريق أدوات بسيطة سواء في الاخراج او التصوير. ولو سمعت اغانيه اللي قبل كده، هتلاحظ حرص جولاي علي ان كل اغنية يبقي ليها طابع مختلف عن الموجود علي الساحة وفي نفس الوقت عن اي اغنيه تانيه هو أصدرها. في رأي، اللي يميز اغنية “أضواء Pokey” طريقة الغناء اللي معتمده علي الميلودي الأساسية في الاغنيه، يمكن يكون اختيار الإيقاع هنا نمطي بس كان حريص ان الهارموني نفسها تبقى مختلفه عشان الناتج النهائي يكون عندنا اغنيه متكاملة. وده هتلاحظ وبرضو في اغاني ليه قبل كده زي  ‘Thrill’ و ‘Flatline’ وحتى أول أغنية عملها ‘Mood’. اعتقد ان الاهتمام بالفيديو من ناحية الإنتاج الفني والإخراج، قدر يوصل الاغنيه لهدفها وتوصل لاكثر من ٢٧ الف شخص في فترة اقل من اسبوعين وده حصل علي اليوتيوب وعلي سبوتيفاي. ومن العناصر التي لاحظتها، واعتقد ان دي برضه نقطة تحتسب لجولاي، باختيار صوت مردات غنائي وده عمل هارموني متميزة في الأغنية بشكل عام.

موسيقي الا ار ان بي معروفة باسمي زي “ار كيلي” او “ستيفي ووندر”, او حتى بعض الأعمال  لمايكل جاكسون وغيرهم كتير. ولكني اعتقد ان جولاي هيبقي واحد من الاسماء دي في يوم ما. اتمني تتفرجوا علي الفيديو واعرف رأيكم في التعليقات.

LEAVE A REPLY

Please enter your comment!
Please enter your name here