بعد انتظار طويل، طرح الرابر الشاب موسكو أحدث كليب لأغنية “دولي” بالتعاون مع البرديوسر الوايلي.
أغنية “دولي” هي أحد أنجح أغاني موسكو، وسبق تسريبها قبل طرحها حصريًا الشهر الماضي على منصة أنغامي، ويتغنى فيها موسكو كعادة نجوم الراب بموهبته واختلافه وقدرته على التميز فهو “فوق وماركة دولي” وعارف “إنه جامد مش محتاج إثبات” ويمكنه الحصول على “كل حاجة فيها كاس ودوري“.
توزيع الوايلي يضفي بعدًا جديدًا للأغنية التي يتفنن في لعبها بطزاجة في كل حفل يقدمه.
أما عن كليب الأغنية فقد فاق التوقعات وحقق نجاحًا كبيرًا، وتخطت نسب مشاهدته الربع مليون في الساعات الأولى لطرحه عبر قناة “الوايلي” الرسمية على يوتيوب.
الكليب تغلب عليه أجواء المسلسل الشهير “صراع العروش”، حيث الثلج والألوان القاتمة، كما يرتدي موسكو فيه ملابس المحاربين القدامى، ويتنقل بين الأهرامات وقصر النيل، لكن اللافتة الأبرز في الكليب هي أن القائمين عليه فضلوا إخفاء هويتهم وإهداء العمل للمخرجين المستقلين ممن ساهموا في تطوير المشهد الغنائي بصريًا.
كلمات أغنية “دولي”:
في الركن البعيد الهادي بسموك حالي
قاعد في الإسكيمو مش هرد مفيش دادي
بسأل نفسي يا نفسي مالك مش عجباني
كل يوم بتبني بيت يتهد من خيالي
دي مشاكلك
برا عني أي حد شكلك
بص على اليمين فشمالي تاكلك
ده عيبي الوحيد إني بسلكلك
I fill it مكانه، وإيه كمان؟
عامل التراك بإسلوب عادل إمام، إيه
كله نَزيه، مش فارقلي كتير كان
زي الـ Can
Chick chik Chick chik bang
يا أسطى فكك مني مش محتاجك
عارف إن اللون ده مش هيودي لتريندات
عارف إني جامد، مش محتاج منكو إثبات
إثباتي الوحيد إن الفرق ما بينا راب
يا أسطى قول للهفافين دولا
ما ترجنيش هفرقع فيك كولا
آيس، آيس، عايز تاخد بولا؟
ماركة دولي، ماركة دولي
أخد كل حاجة فيها كاس ودوري
فيها سوبر، فيها دوري
موسكو فوق، موسكو فوق، ماركة دولي
ماركة دولي إيه، ماركة دولي إيه
أخد كل حاجة فيها كاس ودوري إيه
فيها سوبر إيه، فيها دوري إيه
موسكو فوق، موسكو فوق، ماركة دولي إيه
ماسك DP، خد الطلقة
إنت زميلي، تيجي طلعة؟
متنساش إني إنسان، إني بلعب
متنساش أنا أنساك، عادي بلعب
كابتن بطاقتك
حلوة الصورة؟ تاخد لقطة؟
تعمل فيها دارس، برضه مقطف
إنت زي سكارس، فيها بقطع
إديله بنطه
جاي أهزر في المجال ده واللي في بالي طولته
الصبر حلو واللي شوفته نولته
زميلك يقطم في الكلام بدل ما أهين رجولته
صاحبي، أخويا عبده جاضض
كل هجمة بجون وإنت ولا هجمة صادد
مفيش ما بيننا رابط
حتى جوة الـ Game كل طلقة مني صابت
ماركة دولي، ماركة دولي
أخد كل حاجة فيها كاس ودوري
فيها سوبر، فيها دوري
موسكو فوق، موسكو فوق، ماركة دولي
ماركة دولي إيه، ماركة دولي إيه
أخد كل حاجة فيها كاس ودوري إيه
فيها سوبر إيه، فيها دوري إيه
موسكو فوق، موسكو فوق، ماركة دولي إيه